Денеска се навршуваат 24 години од атентатот врз Киро Глигоров

На денешен ден пред 24 години, 3.октомври 1995 година, беше извршен атентат врз тогашниот претседател на Македонија, Киро Глигоров. Нападот беше извршен со автомобил бомба „Цитроен Ами 8“, во 9.50 часот на улица „Македонија“, пред хотелот „Бристол“ во Скопје.

Претседателот Глигоров го преживеа атентатот, но со тешки повреди во пределот на главата беше пренесен во Ургентниот центар. Во атентатот загина неговиот возач Александар Спировски, а како последица на задобиените повреди почина и случајниот минувач Христо Христоманов.