Денеска во воздушниот простор над Скопје ќе се одржи демонстрација на начинот на изведување на мисијата на НАТО за воздушно патролирање

На Меѓународниот аеродром „Скопје“ и воздушниот простор над главниот град, денеска ќе биде организирана активност со цел демонстрирање на начинот на изведување на мисијата на НАТО за воздушно патролирање над Северна Македонија.

За време на планираната активност, пошироката јавност ќе може да посведочи за начинот на кој се изведува воздухопловното патролирање, како и со борбените воздухоплови на НАТО, Ф-16 и АВАКС.

На настанот ќе присуствуваат претседателот на Владата, Зоран Заев, министерката за одбрана Радмила Шекеринска, началникот на Генералштабот, генерал-потполковник Васко Ѓурчиновски и високи претставници на мисијата на НАТО.