Димитар Димитров: Доблесни политички субјекти не прифаќаат идентификација со обвинет

Од колумната на проф.Димитар Димитров:

„Обвинението против неговиот престап го идентификува со напад од странски сили (персонализирани во „Ванхојтевци-Катици“) против државата, во духот на : „Државата – тоа сум јас“, потврдувајќи го идентитетот на реалноста лидер-партија-држава-нација-Македонија. Надвор од тој идентитет, покрај СЈО, остануваат и СДСМ, и етничките Албанци.

Доблесни политички субјекти, кои ги почитуваат Уставот и законите (да не зборуваме за елементарните етички принципи), не прифаќаат ваква идентификација со осомничен/обвинет, туку промптно потегнуваат процес на индивидуална одговорност, за да се избегне имено таа идентификација на осомничен/обвинет со организацијата/колективот.

Во нашиот случај ВМРО-ДПМНЕ застана зад одбраната на лидерот. За да го спаси него и неговите крими-партнери од решетки, избра да ја стави зад решетки државата. Направи сѐ (вклучително атентат врз Собранието) за да го спречи конституирањето на новата власт и воспоставувањето на уставниот поредок.

Така, објективно, партијата го продолжува/„повторува делото“ на злосторничкото здружение и се самоуништува како политички субјект. Притоа применува тактика на нападот како најдобра одбрана, сублимирана во „идеологијата“ на почесниот лидер, според која државата/нацијата се идентификува со клиентите на СЈО и (по санкционирањето на насилството врз Собранието), на Јавното Обвинителство“.

Целата колумна читајте ја ТУКА