Џонсон: Путин држи пиштол на главата на Украина

Рускиот претседател Владимир Путин држи пиштол на главата на Украина во обид да принуди промена на архитектурата на европската безбедност, изјави во вторникот во Киев британскиот премиер Борис Џонсон, нагласувајќи дека не ја преувеличува руската закана. „Ова е јасна и присутна опасност. Гледаме како се собираат голем број војници, гледаме подготовки за сите видови операции кои се во согласност со претстојна воена кампања“, рече Џонсон, додавајќи дека денеска телефонски ќе разговара со Путин.

„Станува збор за целата европска безбедносна архитектура, бидејќи не се сомневајте во тоа што мислам дека претседателот Путин се обидува да го постигне овде. Мислам дека тој се обидува, држејќи пиштол на главата на Украина, заплашувајќи ја Украина. да не натера да го промениме начинот на кој ја гледаме европската безбедност“, изјави Џонсон.

Рускиот претседател Владимир Путин повторно тврди дека загриженоста на Русија за безбедноста била игнорирана од Соединетите држави и НАТО во услови на интензивни дипломатски напори за намалување на тензиите околу Украина. Говорејќи во Москва, за време на заедничката прес-конференција со унгарскиот премиер Виктор Орбан Путин рече дека Кремљ „внимателно ги анализира писмените одговори добиени од Соединетите држави и НАТО“, но додаде дека „веќе е јасно дека фундаменталните руски грижи на крајот биле игнорирани“. Тоа беа првите значајни јавни забелешки на Путин по неколку недели за кризата предизвикана од стравувањата од руска инвазија на Украина.

Извор: Радио Слободна Европа

Прочитајте повеќе

Од француски воз била украдена торба со безбедносни планови за Олимпијадата во Париз

Инженерот кажал дека неговиот службен компјутер и двата USB-стикови содржеле чувствителни податоци во врска со …