„Северна Македонија продолжува да ги исполнува условите за отворање на преговорите за членство и властите ја демонстрираа јавно својата цврста заложба да продолжат по ЕУ патот. Земјата задржа постојан и одлучен тек во напредувањето на ЕУ реформите и ги зголеми своите напори за испорачување на опипливи резултати и натаму“.
Ова е дел од извештајот за реформскиот напредок на нашата земја, кој денеска, како што јавува МИА, ќе биде презентиран во Стразбур.
Европската Комисија е задоволна од исполнувањето на критериумите за зачленување на нашата земја во ЕУ, како и тоа што властите покажуваат јасна проевропска ориентација, а ја критикува блокадата за старт на преговорите.
Извештајот пред пратеници од комисијата за надворешни работи на Европарламентот ќе го презентира еврокомесарот за проширување, Оливер Вархеи.