ПУБЛИКУМ Вистината на прво место
Арогантниот и иритирачки однос на Дачиќ кон нашата држава ги преминува сите граници. Во ситуација кога и врапчињата знаат за “братските односи“ на владата на неговиот шеф Вучиќ со екс-премиерот Груевски, кога извршителот на наредбата за незаконско снимање на илјадници македонски граѓани и странски амбасади е во бегство и тоа најверојатно во неговата држава, пудлицата на Милошевиќ повторно се заканува со поништување на одлуката со која Србија ја призна Македонија под уставното име.
Изјавата на поранешниот министер за надворешни работи на Србија Вук Јеремиќ кој повлекувањето на целокупниот персонал на амбасадата во Скопје го оцени како „дипломатски дилентантизам и шарлатанство, својствено за банана држави“, е најдобриот коментар за политичката поткованост на квазиполитичарот Ивица Дачиќ.
