Габриел Бориќ победи на претседателските избори во Чиле

Габриел Бориќ победи на претседателските избори во Чиле

Поранешниот студентски лидер Габриел Бориќ е нов претседател на Чиле. Триесет и пет годишниот Бориќ има хрватско и каталонско потекло.

Левичарот Габриел Бориќ на претседателските избори во Чиле освои речиси 56% од гласовите и има јасна предност пред десноориентираниот ривал Хозе Антонио Каст, кој освои 44% гласови.

Каст, кој има германско потекло, веднаш го призна поразот: „Само што разговарав со Бориќ и му честитав на големиот триумф. Од денеска тој е претседател на Чиле“, напиша Каст на Твитер.

Овие избори се сметаат за многу важни за ориентацијата на земјата, а за некои се дури и најважните избори од враќањето на Чиле кон демократија во 1990 година. Граѓаните бираа помеѓу јасно левичарски настроен кандидат и цврсто десничарски определен кандидат. „Одушевена сум, плачам од радост. Му зададовме удар на фашизмот“, изјави 45-годишната аптекарка Џени Енрикез за агенцијата АФП. Градежниот работник Луис Асторга, пак, вели дека очекува „многу промени“, кои, меѓу другото, „ќе ѝ помогнат на работничката класа“.

DW Karikatur Vladdo | Chile BoricКарикатура на Vladdo по победата на Бориќ на изборите во Чиле: „Сега доаѓа тешката работа“

Габриел Бориќ, кој има хрватско и каталонско потекло, ги предводеше студентските протести во Чиле во 2011 година. Тој на граѓаните на Чиле им вети подобра здравствена нега и образование достапно за сите, а се залага и за правата на мигрантите, индигените народи и хомосексуалците. Каст, пак, на избирачите им ветуваше намалување на даноците, борба против илегалната миграција и остро постапување против криминалците. Каст, инаку, важи за симпатизер на поранешниот диктатор Аугусто Пиноче.

Во Чиле право на глас имаат околу 15 милиони луѓе. Земјата важи за светол пример во регионот, со највисоки приходи по глава на жител во Латинска Америка. Меѓутоа, проблем во земјата и натаму е голематасоцијална нееднаковст. Големи делови од здравствениот и образовниот сектор се приватизирани, а сѐ поголем број граѓани се чувствуваат маргинализирано.

Извор: DW

Прочитајте повеќе

Меѓународниот кривичен суд побара апсење на Бенјамин Нетанјаху и лидерот на Хамас

Меѓународниот кривичен суд побара апсење на Бенјамин Нетанјаху и лидерот на Хамас

Меѓународниот кривичен суд ги обвинува лидерите на Израел и Хамас за воени злосторства и злосторства …