Главниот координативен кризен штаб за справување со КОВИД-19 со препорака до Владата за кратење на периодот на изолација од 10 на 7 дена

Синоќа, Главниот координативен кризен штаб ја одржа својата втора седница, на која министерот за здравство, Беким Сали ја презентираше актуелната состојба со пандемијата предизвикана од КОВИД-19.

На седницата е усвоена препорака за кратење на периодот на изолација после позитивен ПЦР ковид тест, од 10 на 7 дена.

Препораката е врз основа на предлог на Комисијата за заразни болести, поради полесната клиничка слика предизвикана од омикрон сојот.

Препораката е доставена до Владата и за неа ќе се дискутира на следната владина седница.