Илија Јованоски: Личната и безбедноста на имотот на граѓаните е императив во едно демократско општество

Реакција на градоначалникот на општина Прилеп, Илија Јованоски, по опожарувањето на викенд куќата на координаторот на ОК на ВМРО-ДПМНЕ:

Како градоначалник на општина Прилеп испраќам јасна порака и ги повикувам сите надлежни институции да постапат целосно според законот.

Да го расветлат случајот и да ги откријат причините, поради коишто избил пожар во викенд куќата на координаторот на ОК на ВМРО-ДПМНЕ и советник во Советот на Општина Прилеп, Петар Ристески.

Да се разјасни и најмал сомнеж.

Личната и безбедноста на имотот на политичарите, од која било политичка провиниенција, на сите граѓани е императив во едно демократско општество, кон коешто се стремиме.