Јанева по распитот: Не чувствувам вина, не знам дали ќе бидем осомничена во „Рекет“

Јанева по распитот: Не чувствувам вина, не знам дали ќе бидем осомничена во „Рекет“

По четиричасовниот распит во Обвинителството за организиран криминал, шефицата на СЈО, Катица Јанева, во изјава за медиумите рече дека не чувствува вина за предметот „Рекет“, но и дека не знае дали истрагата ќе се води и против неа.

– Ова е истрага и во истрага не се споделуваат информации. Ќе има најверојатно судење и таму ќе се кажат работите – изјави специјалната обвинителка Јанева.

Таа потврди дека двата нејзини телефони се наоѓаат на анализа во Обвинителството. Шефицата на СЈО дополни и дека не знае дали во случајот „Рекет“ се инволвирани политичари.

На одговори на новинарските прашања, Јанева изјави дека не знае каде е Орце Камчев, ниту пак знае каде се парите кои Бојан Јовановски – Боки 13 и Зоран Милески – Кичеец ги земале од Камчев.

Јанева е четвртиот обвинител од СЈО, кој во изминативе две недели беше сослушан од Обвинителството за организиран криминал. Минатата недела таму беа и специјалните обвинители Лиле Стефанова, Елизабета Јосифовска и Бурим Рустеми. Во предметот „Рекет“ досега беа сослушани и второосомничениот Зоран Милески – Кичеец и пензионерката Лилјана Тодоровска, а Боки 13 треба допрва да биде изнесен на распит.

Извор: МЕТА

Прочитајте повеќе

Царинска управа колаж медикаменти

Царинска управа: Спречен шверц на 1,7 тони медикаменти штетни по здравјето на граѓаните

Царински службеници на влез на Меѓународен Аеродром Скопје спречија шверц на 1,7 тони медикаменти, Силденафил …