Жаклина Лазаревска

Лазаревска: ВМРО-ДПМНЕ против поголеми плати и трајно вработување на 4.700 наставници

Прес-конференција на Жаклина Лазаревска, пратеничка на СДСМ

Почитувани,

И овде, во Собранието, ВМРО-ДПМНЕ е против минималната плата, против работниците и наставниците.

Цела година ВМРО-ДПМНЕ го блокира законското решение за трансформација на работниот однос на 4.700 наставници во образованието од определено на неопределено работно време. Го блкокира и покачувањето на нивните плати, преку усогласување според минималната плата.

Десктруктивното однесување на ВМРО-ДПМНЕ е на директна штета на наставниците, стручните соработници и работниците.

Трансформацијата на работниот однос освен што ќе обезбеди трајно вработување, ќе обезбеди и повисоки плати, како на овие 4.700 наставници и стручни соработници, така и на сите наставници и стручни соработници.

МОН и репрезентативниот синдикат склучуваат спогодба, со која се утврдува износoт на вредностa на бодот за пресметување на платите на наставниците и стручните соработници.

Вредноста на бодот за пресметување на платите на наставници и стручни соработници се усогласува со процентот на пораст на минималната плата, со зголемување на минималната плата, се зголемува и платата на наставниците и стручните соработници.

Опозицијата предводена од ВМРО-ДПМНЕ да престане со неодговорното постапување и да се откаже од блокадите на ова, но и на другите законски решенија кои носат придобивки за граѓаните. СДСМ и ова мнозинство ја зголеми минималната плата од 8.800 денари во време на ВМРО – ДПМНЕ на 18 000 денари. СДСМ се грижи за работниците.

Ние како парламентарно мнозинство ќе сториме се блокадите да бидат надминати и измените на важните закони да бидат донесени. Остануваме посветени на мерки и решенија кои го подобруваат економскиот стандард и носат придобивка за сите граѓани.

Прочитајте повеќе

Почина Стојан Андов, првиот претседател на Собранието по осамостојувањето

Почина Стојан Андов, првиот претседател на Собранието по осамостојувањето

На првите повеќепартиски избори во 1990 година е избран за собраниски пратеник. Претседател на Собранието …