МЗ: Во тетовскиот ковид-центар имало 26 пациенти за време на пожарот, 12 се спасени и се вон животна опасност

Министерството за здравство ја информира јавноста дека во вчерашниот пожар што го зафати ковид центарот во Тетово загинаа 14 лица. За време на пожарот, во модуларната ковид болница биле згрижени 26 пациенти, при што 12 пациенти се спасени од пожарот. Тие се наоѓаат на лекување во тетовската болница и се надвор од животна опасност.

Од ова министерство велат дека нема настрадани здравствени лица во вчерашниот пожар, додека неколкумина од нив се здобиле со полесни повреди.

„Министерството за здравство изразува сочувство до семејствата на загинатите и длабоко жалење за страотната несреќа. Министерството во текот на денот постојано ќе информира за сите нови детали околу случајот, апелираме до медиумите и граѓаните да ги следат официјалните информации и да се воздржат од шпекулации за овој немил настан“, се вели во соопштението на Министерството за здравство.

Извор:МЕТА

Прочитајте повеќе

Фондацијата Метаморфозис со конкурс за годишна награда „Илија Жупаноски“ за справување со дезинформации

Ќе бидат доделени две годишни награди во две категории: Најдобар новинарски труд, односно стручен труд …