На спортскиот аеродром „Стенковец“ ќе се одржи обука за пинг-понг за лица со попреченост

На 3 септември 2022 година (сабота), на Спортскиот аеродром Стенковец ќе се одржи обука за пинг-понг за лица со попреченост.

Обуката е во организација на Здружение на лицата со параплегија и квадриплегија „Без Ограничувања“ и Аероклубот Скопје.

Во Пинг – понгот за луѓе со попреченост важат спортските правила со тоа што спортистите без попреченост ја симулираат попреченоста на противникот. На пример, доколку едниот е во количка другиот игра седејќи на стол.

Овој вид на вежбање ги подобрува когнитивните вештини и менталната сила и е многу корисен и забавен за деца/луѓе со интелектуална или физичка попреченост.

Настанот не е ограничен единствено на лица со попреченост, бидејќи неговата цел и мотив е комплетно вклучување на сите заинтересирани во овие спортски активности.

Настанот е од отворен тип и не е потребна претходна најава за присуство.

Прочитајте повеќе

Одбележан Меѓународниот ден на мајчиниот јазик

Во рамки на одбележувањето на овој ден, во Институтот за македонски јазик ќе бидат презентирани …