Наскоро се очекува решение за законот за јазици, вели Џафери

Наскоро се очекува решение за законот за јазици, вели Џафери

Наредните денови ќе има решение за законот за употреба на јазиците, а ако не се реши, тоа ќе значи блокада на Собранието, а тоа не и треба на оваа држава, рече претседателот на Собранието, Талат Џафери на брифингот за новинари.

– Се разговара, се бара излез од оваа ситуација, а јас и лично комуницирам и со претставници на ВМРО-ДПМНЕ кои ги поднесоа најголемиот број на амандмани. Ова прашање беше дискутирано и со европратениците. Наредните денови се очекува решение. Техничките услови одамна се исполнети. Треба да се најде решение од политички аспект. Не мислам дека расправата по амандманите е решение затоа што тоа ќе значи блокада на Собранието, нешто што не е добро и не и треба на оваа држава – вели Џафери.

На прашањето дали ВМРО-ДПМНЕ ќе се врати во Собранието, Џафери вели дека посакува нивно што побрзо враќање и дека сите работат во таа насока.

– Тие ја блокираа работата на Собранието како солидарност со притворените пратеници, но гледаме дека и во таа насока има промени, па и аргументи по тој основ веќе нема да има. Блиску сме и до тоа – вели Џафери.

Процесот „Жан Моне“, ќе се одржи од 15 до 17 март во Охрид, но Џафери вели дека доколку тогаш не се обезбеди присуство на еврокомесарот Јоханес Хан и други високи претставници на ЕУ, тогаш средбите ќе се одолжат за мај.

– Теми на дискусија ќе бидат промените на Деловникот во однос на времетраењето односно злоупотребата на седниците како што имаше во минатото, планот „3-6-9“, етичкиот кодекс кој се однесува на поведението на пратениците, извештајот на Прибе, внатрешната сигурност на Собранието. Сега постои комуникација имаме со сите политички партии на сите нивоа, постојат разговори и за законите кои треба да се донесат со двотретинско мнозинство – рече Џафери.

Џафери информираше дека законот за АВМУ во Собранието пристигнал во петокот, а вчера бил пуштен до пратениците да го разгледаат и со тоа е влезен во законодавна процедура и Џафери вели дека ќе го стави на дневен ред на седница после 5 март.

Според претседателот на Собранието, треба да се створи нова перцепција во јавноста за работата на Собранието, поразлична од онаа до сега дека нон стоп треба да има седници.

– Со тоа ќе се влијае и на трошоците, не само патните, туку генерално трошоците потребни за одржување на седница. Еден ден работа во сала е 30.000 евра. Нема потреба од беспредметно дебатирање дење и ноќе, се само да се остави впечаток дека работиме. Ние работиме и кога нема седници – додава Џафери.

Извор: МЕТА

Прочитајте повеќе

Наместо „Северна“ и „Македонија“, Сиљановска Давкова сега употребува „нашата држава“ и „нашата земја“

Наместо „Северна“ и „Македонија“, Сиљановска Давкова сега употребува „нашата држава“ и „нашата земја“

Четири пати во денешното соопштение од претседателскиот кабинет на Гордана Сиљановска Давкова по повод посетата …