Нова кампања за кревање на јавната свест за вклученоста на децата со попреченост во редовните училишта

Нова кампања за кревање на јавната свест за вклученоста на децата со попреченост во редовните училишта

Проектот „Биди ИН, биди ИНклузивен, биди ИНклудиран“ од 5 до 15 мај ја реализира втората кампања за кревање на јавната свест за важноста на инклузивното образование и вклученоста на децата со попреченост во редовните основни училишта, информираат од Фондацијата за образовни и културни иницијативи „Чекор по чекор“.

Како дел од кампањата изработени се три видеа со ученици, наставници и родители кои ги претставуваат клучните алки во инклузивното образование. Тие, преку испратените пораки, повикуваат на прифаќање, почитување на различностите и еднакви права за сите деца.

„Училиштата претставуваат место каде децата можат да се дружат, растат и развиваат, да практикуваат емпатија и соработка и да ги поставуваат основите за идното инклузивно општество. Инклузивната клима во училиштата овозможува секое дете да добие можност да го постигне својот потенцијал и да ги оствари своите цели и соништа“, велат од „Чекор по чекор“.

Проектот „Биди ИН, биди ИНклузивен, биди ИНклудиран“ се застапува за инклузивно образование и придонесува кон вклучување на учениците со попреченост во редовните основни училишта. Проектот е финансиран од Европската Унија, а го спроведуваат Фондацијата за образовни и културни иницијативи „Чекор по чекор“, Здружението за промоција и развој на инклузивното општество „Инклузива“ и Здружението за давање услуги на лицата со попреченост „Хандимак“, во соработка со Министерството за образование и наука.

Како дел од активностите, Проектот поддржува со месечни стипендии за 470 ученици со попреченост, обезбедува обуки за наставниците и членовите на инклузивните тимови и за образовните асистенти од два ресурсни центри, како и туторска поддршка за учениците-стипендисти на проектот, а се реализираат и активности за подобрување на пристапноста и инклузивноста на училиштата.

Извор: МЕТА

Прочитајте повеќе

Владата подготвува закон, Унгарците „во прашалници“ за милијардата од Орбан за Мицкоски

Владата подготвува закон, Унгарците „во прашалници“ за милијардата од Орбан за Мицкоски

Премиерот Мицкоски најави 250 милиони евра од кредит од Унгарија за бизнисот, македонските стопанственици го …