Обвинителството ја истражува сообраќајката кај „Сити Мол“ во која загина 24 годишна девојка

Јавен обвинител од Основното јавно обвинителство – Скопје (ОЈО Скопје) синоќа извршил увид на местото на тешка сообраќајна несреќа во близина на трговскиот центар „Сити мол“ во Скопје, во која животот го загуби 24-годишна девојка, а нејзиниот врсник што ја придружувал беше повреден, соопшти ОЈО Скопје.

Според првичните сознанија, до несреќата дошло кога автомобил „Цитроен Ц4“, управуван од 22-годишник удрил во момчето и девојката кога ја поминувале улицата. Девојката загинала веднаш, а момчето е пренесено во болница со повреди.

Возачот е уапсен и задржан во полициска станица, по наредба на јавен обвинител, којшто исто така наредил да се изврши обдукција на телото на починатата, а наредил и вештачење на примероци од крв и урина од возачот на автомобилот со цел да се утврди дали тој управувал со возилото под дејство на алкохол или други недозволени супстанции.

Прочитајте повеќе

Ковачевски: Регионалната соработка клучна за полесно надминување на кризата

Претседателот на Владата на Република Северна Македонија на панелот на Самитот „Македонија2025“ посветен на актуелната …