Од четврток 24 февруари, започнува исплатата на февруарските пензии, а од истиот ден средствата за пензиите ќе бидат достапни и преку банкомати и трговската мрежа.
Готовинската исплата на пензиите ќе се спроведе во четири групи во сите отворени филијали и експозитури на банките, согласно следниот распоред:
За пензии со висина до 11.000 денари, исплатата да се изврши во четврток, 24.02.2022 година;
За пензии со висина 11.001-14.000 денари, исплатата да се изврши во петок, 25.02.2022 година;
За пензии со висина 14.001-18.000 денари, исплатата да се изврши во понеделник, 28.02.2022 година и
За пензии со висина над 18.001 денари, исплата да се изврши во вторник, 01.03.2022 година.