Од ноќеска горивата со повисоки цени

Малопродажните цени на нафтените деривати од ноќеска на полноќ ќе се зголемат, во просек за 2,06 отсто, информираше Регулаторната комисија за енергетика и водни услуги (РКЕВУ) согласно својата најнова одлука.

Од полноќ, за 1,5 денари по литар ќе поскапат бензинот Еуросупер БС-95, кој сега ќе чини 84,5 денари за литар и Екстра лесното масло за домаќинство, кое ќе се продава по цена од 73 денари за литар.

Малопродажните цени на бензинот Еуросупер БС-98 и Еуродизел се зголемуваат за 2 денара за литар, па така, 98-октанскиот бензин од ноќеска ќе чини 87 денари за литар, додека литар дизел гориво на бензинските станици ќе се продава по цена од 74 денари.

Поскапува и мазутот за 0,505 денари и од утре ќе чини 31,079 денари за килограм.