Од понеделник почнува теренска вакцинација на жителите од населените места во прилепскиот регион

ЈЗУ Општа болница со проширена дејност „Борка Талески“ Прилеп, ги известува жителите од населените места, дека во склоп на вакциналниот пункт се формирани теренски екипи. Екипите ќе вршат вакцинација на заинтересираните граѓани во населените места според следниот распоред:

Понеделник, 12-ти јули, населено место Тополчани, вакцинацијата ќе се спроведува во амбулантата, а во Кривогаштани и Ропотово во основните училишта.

Вторник 13-ти јули, населени места Обршани, Воѓани и Бела Црква, во амбулантата Поликлиника „Промедика“.

За подетални информации граѓанните можат да се информираат и кај матичните лекари.