На денешната вонредна седница, членовите на Советот на Општина Прилеп донесоа Одлука за обезбедување средства од буџетот на Општината, како донација за семејствата на настраданите од земјотресот во Турција и Сирија.
Во знак на помош и поддршка, од буџетот на Општина Прилеп ќе бидат издвоени средства во висина од 450.000 денари за погодените подрачја од катастрофалниот земјотрес, од кои 300.000 денари за Турција, а 150.000 за Сирија.
Според последните информации, бројот на загинати од разорниот земјотрес во двете земји изнесува на 35.000, но се стравува дека бројот на жртви може да ја достигне бројката од 50.000.