„Пејпер мил“ ќе мора да работи или на плин или да стави клуч додека не инсталира филтри

„Пејпер мил“ ќе мора да работи или на плин или да стави клуч додека не инсталира филтри

Загадувачот „Пејпер Мил“ од Кочани, доколку на следното мерење на емисиите во воздухот кое е закажано за два дена, на 30 декември, се докаже дека и понатаму ги надминува граничните вредности, ќе мора да престане да го користи котелот на пелети и да премине на плин или пак, ќе мора да стави клуч на врата и да не работи сè додека не го обезбеди филтерот на оџаците, информираат од Државниот инспекторат за животна средина.

Реакцијата следува откако изминатите денови низ социјалните мрежи и медиумите кружеа фотографии од фабриката на кои се гледа црн чад како излегува од нејзините оџаци. Жителите на Кочани во саботата организираа протест пред фабриката и го искажаа соето незадоволство од, како што велат, двегодишната агонија во која живеат заради загадувањата од фабриката. Кочанчани на протестот најавија дека, доколку не се превземат итни мерки и не престане загадувањето на воздухот, следниот протест ќе значи и блокирање на влезот во капацитетот.

Работата на „Пејпер мил“ во изминатиот период двапати беше предмет на вонреден надзор на инспекторите за животна средина. На средината на ноември и на почетокот на декември беа направени две мерења на емисиите и два пати беше констатирано надминување на дозволените вредности. Промените во процесот и опремата што во меѓувреме ги правеше инвеститорот, не дадоа резултат, заради што Инспекторатот предложи казна од 20.000 евра

„Со Решение е наредено да се врши редовно мерење на емисиите, а Пејпер Мил се обврза да инвестира во вреќаст филтер поради повеќекратно намалување на емисиите. Доколку на следното мерење се докаже дека и понатаму ги надминува граничните вредности, ќе мора да престане да го користи котелот на пелети и да премине на плин. Во спротивно ќе се забрани работењето се до обезбедување на филтерот и водење на процесот на работа на начин на кој нема да го загадува Кочани. Нема компромис во битката за чиста животна средина“, информираат од Државниот инспекторат.

Извор: МЕТА

Прочитајте повеќе

Царинска управа колаж медикаменти

Царинска управа: Спречен шверц на 1,7 тони медикаменти штетни по здравјето на граѓаните

Царински службеници на влез на Меѓународен Аеродром Скопје спречија шверц на 1,7 тони медикаменти, Силденафил …