По 10 дена дожд во земјава, од утре следува период на сончево време со повисоки температури

Облачно со локални врнежи од дожд во претпладневните часови е временската прогноза за денешниот ден во земјава, но ова ќе биде и последниот врнежлив ден. По 10 дождливи дена во континуитет, од Управата за хидрометеоролошки работи (УХМР) најавуваат потопло време со многу повеќе сонце во наредниов период.

Веќе утре ќе преовладува променливо облачно време со сончеви периоди, а ќе дува слаб до умерен ветер од северен правец. Температурите ќе бидат во постепен пораст следниве денови, па така максималната температури во земјава утре ќе се движи од 8 до 18 степени, во понеделник ќе изнесува од 13 до 20 степени, додека во вторник и среда делови од земјава ќе имаат температури и од над 20 степени. Времето ќе биде сончево, со слаб до умерен ветер.

Инаку, обилните врнежи од дожд кои ја зафатија земјава се добредојдени за земјоделците по подолготрајната суша од изминатово лето, но и за полнење на испразнетите корита на реките, како и езерата и вештачките акумулации низ земјава.

Прочитајте повеќе

Порталб: Касами ја достави во Обвинителство тужбата против Арифи за велосипедската патека

Тужбата што градоначалникот на Тетово Билал Касами ја најави против поранешната градоначалничка Теута Арифи за …