Вчера во Русија, во 76 година од животот, почина Мирјана Марковиќ, сопругата на некогашниот претседател на Србија и СР Југославија, Слободан Милошевиќ.
Мирјана Марковиќ живееше во Русија од 2003 година. Според информациите од белградските медиуми, во последните неколку години таа имала повеќе операции. Во тешка здравствена состојба, последните 7 денови била хоспитализирана во Сочи.
Мирјана Марковиќ е родена на 10 јули 1942 година, во цело Брежане, во близина на Пожаревац. Предавала социологија на Природно-математичкиот факултет на Белградскиот универзитет.
Таа беше еден од основачите и прва претседателка на партијата Југословенска левица (ЈУЛ).
Во 2005 година, по неа беше распишана меѓународна потерница.