Премиерот Ковачевски предводи делегација во работна посета на Грција

Заедно со министерот за економија Крешник Бектеши, директорите на ЕСМ Васко Ковачевски и на МЕПСО Орган Муртезани, како и со претставници од ресорите економија и енергетика, премиерот Димитар Ковачевски е во работна посета на Грција со цел справување со последиците од светската енергетска криза.

Во рамки на еднодневната посета предвидено е премиерот Ковачевски да оствари тет-а-тет средба со премиерот на Грција Киријакос Мицотакис, по што следи билатерален состанок на делегациите од двете земји.