Претпладне сончево и топло време, попладне ќе има развој на нестабилна облачност со пороен дожд, грмежи и засилен ветер

Денес во текот на претпладневните часови, не очекува сончево и топло време со слаб до умерен ветер од променлив правец.

Попладне ќе има развој на нестабилна облачност со пороен дожд, грмежи и засилен ветер, локално во форма на невреме.

Под влијание на влажна и нестабилна маса денес попладне и за време на викендот времето ќе биде нестабилно со пороен дожд, грмежи и засилен ветер. Локално процесите ќе бидат во форма на невреме со интензивен пороен дожд (за кратко време поголема количина), силни електрични празнења, силен ветер (над 70 км/час) и појава на град. Во недела дневната температура ќе се намали за неколку степени.