Прво учество на македонската веслачка репрезентација на светски виртуелен натпревар во веслање на ергометар

Веслачката репрезентација на Македонија во состав: Климентина Стојмиловска и Кристијан Китаноски, во категорија U17, како и Владимир Голабоски во категорија 19-20, учествуваше на прв светски виртуелен натпревар во веслање на ергометар.

Натпреварот беше организиран од Светската веслачка федерација и се одржа во Торонто, Канада. Во конкуренција на 10 натпреварувачи, македонските репрезентативци Стојмиловска и Голабоски го зазедоа високото шесто место, додека поради технички причини, Китаноски остана без пласман.

„Ова беше прв пат да учествуваме на ваков вид на натпреварување. Се надеваме и очекуваме на следните вакви натпревари да постихнеме поголеми успеси“,изјави селекторот на веслачката  репрезентација, Марјан Влаќески