СДСМ Костовски

СДСМ: Резолуцијата на Бундестагот потврди, Мицкоски нема направено ништо за македонскиот идентитет

Прес-конференција, Мартин Костовски, пратеник на СДСМ

Почитувани граѓани, почитувани медиуми,

Резолуцијата на германскиот Бундестаг за македонската иднина во ЕУ и признание на македонскиот јазик, идентитет, култура и посебност е уште еден државнички успех на СДСМ и парламентарното мнозинство.

Благодарение на нашите државнички политики како никогаш претходно имаме силна меѓународна поддршка изразена преку конкретни документи и решенија.

Освен од Сојузна Република Германија, силна поддршка за членството во ЕУ и потврди за македонскиот идентитет очекуваме и од други наши стратешки партнери.

Резолуцијата на Бундестагот потврди дека државничките политики на СДСМ и премиерот Ковачевски носат резултат и обезбедуваат признание на македонскиот идентитет, јазик, култура и посебност.

Од друга страна Резолуцијата потврди дека Мицкоски и ДПМНЕ не направија ништо ниту за државата ниту за македонскиот јазик и идентитет.

Мицкоски и неговата партија не лобираа кај свои сестрински партии, кои гласаат против усвојување на оваа важна Резолуцијата.

Очигледно е дека Мицкоски не може да издејствува ништо.

Тој не може да убеди сестрински партии да гласаат за Резолуција а не па да обезбеди нов договор, ниту нешто повеќе.

Сепак, Мицкоски има можеби последна шанса да направи нешто добро за земјата и сега зависи од него.

Подадовме рака, отвориме дијалог и сега на потег е Христијан Мицкоски за дојалгот да може да продолжи.

Мицкоски го промени ставот и прифати уставни измени, прифати учество во заедничка широка Влада со СДСМ и прифати дека овој собраниски состав има мандат за уставни измени.

Овие приближувања се добра основа дијалогот за сите детали и предлози да продолжи со тимови односно работни групи. СДСМ за тоа е подготвена.

На потег е Мицкоски, во спротивно тој ќе биде причината за затворање на вратата за дијалог, важен за европската иднина на државата.

Прочитајте повеќе

СДСМ

ДПМНЕ го врати речникот од 27 април со нападите врз Пендаровски

Со ниските напади и закани кон Стево Пендаровски, ДПМНЕ го врати речникот од 27 април …