ПУБЛИКУМ Вистината на прво место
Министерството за здравство информира дека првите две фази на демонтажа на дваесет години стариот акцелератор е завршена и направена е адаптација и реновирање на бункерот
Започна инсталацијата на новиот акцелератор на Клиниката за радиотерапија и онкологија. Министерството за здравство информира дека првите две фази на демонтажа на дваесет години стариот акцелератор е завршена и направена е адаптација и реновирање на бункерот. Ќе следува физичка инсталација на новиот систем, по која ќе следат мерења, калибрации и моделирања на системот до конечно пуштање во употреба. Се предвидува и обука за работа со апаратот. Инсталацијата и останатите активности се предвидува да завршат за околу три до четири месеци.
„Со задоволство информирам дека од денес започнуваме со монтажата на новиот акцелератор Varian 6116 на Клиниката за Радиотерапија и Онкологија. Деинсталацијата на линеарниот акцелератор стар околу 20-тина години која започна во август е завршена и направена адаптација и реновирање на бункерот“, информираше министерот Меџити.
