ПУБЛИКУМ Вистината на прво место
Времето во Македонија денеска ќе биде сончево и топло, со мала до умерена локална облачност и со слаб до умерен северен ветер, вели прогнозата на Управата за хидрометеоролошки работи (УХМР).
Утринската температура се движеше од 13 до 19 Целзиусови степени, а дневната ќе изнесува меѓу 25 и 37 степени. УВ-индексот ќе биде 8.
Во Скопје ќе биде сончево и топло, со мала до умерена локална облачност и со слаб до умерен северен ветер. Дневната температура ќе се искачи до 34 степени.
Следува период на сончево и топло време, со мала до умерена локална облачност. В четврток ќе има услови за локален краткотраен дожд и појава на грмежи.
