ПУБЛИКУМ Вистината на прво место
Од петокот 3 декември до денеска, недела 5 декември, Европската Џудо Унија (ЕЏУ) во Истанбул, Турција, го организираше 73 Конгрес, на кој секоја национална федерација членка на ЕЏУ, имаше можност да биде претставена најмногу со двајца делегати.
На Конгресот, Џудо федерацијата на Северна Македонија ја претставуваа претседателот Владимир Трпаноски и потпретседателот Горан Антевски.
За време на трите денови, Трпаноски и Антевски остварија повеќе средби и договорија соработка со Џудо федерациите на соседните држави.
Исто така, првите луѓе на нашата Џудо федерација одржаа работни состаноци со неколкумина претседатели на комисии при ЕЏУ, на кои беше разговарано за унапредување на џудо спортот во нашата земја.
