Украинскиот министер за внатрешни работи меѓу 16 загинати во хеликоптерска несреќа

Шеснаесет лица, вклучително и министерот за внатрешни работи на Украина и други високи функционери загинаа денеска кога хеликоптер се урна во предградие во близина на Киев, изјави началникот на националната полиција.

Хеликоптерот се урнал во близина на градинка во градот Бровари во источната периферија на главниот град. Две деца се меѓу загинатите, а 10 се во болница, соопштија официјални лица.

Над 7000 цивили загинале во Украина

Тие не наведоа што е причината за несреќата и немаше моментален коментар од Русија, која ја нападна Украина во минатиот февруари. Министерот за внатрешни работи Денис Монастирски, одговорен за полицијата и безбедноста во Украина, е највисокиот украински функционер што загинал од почетокот на војната.

Шефот на националната полиција Ихор Клименко рече дека Монастирски загинал заедно со неговиот заменик и други високи претставници на министерството.

„За време на оваа трагедија имаше деца и… персонал во градинката. Сега сите се евакуирани. Има жртви“, напиша на Телеграм гувернерот на Киев, Олексиј Кулеба. Новинарите на Ројтерс на местото на настанот видоа неколку мртви тела обложени во ќебиња во дворот во близина на зградата оштетена од несреќата.

Видеата споделени на социјалните мрежи покажаа запалена зграда и луѓето се слушаа како врескаат. Ројтерс не беше во можност веднаш да ја потврди снимката.

„Собираме информации за жртвите и околностите“, напиша на Телеграм заменик-шефот на претседателскиот кабинет на Украина, Кирило Тимошенко.

Засега не е јасно што го предизвика падот на хеликоптерот. Немаше никаков коментар од Русија, чии војници ја нападнаа Украина минатиот февруари, а украинските власти не упатија никакво повикување на каков било руски напад во областа во тоа време.

Извор: Радио Слободна Европа

Прочитајте повеќе

Повеќе од милион луѓе во 2023 година барале азил во Европа

Во бројките на Агенцијата за азил на Европската комисија не се вклучени 4,4 милиони Украинци …