Кисинџер го поддржува пристапот на Украина во НАТО

Поранешниот американски државен секретар Хенри Кисинџер повика на проширена поддршка на Украина до постигнување прекин на огнот и рече дека го поддржува влезот на земјата во НАТО. „Пред оваа војна бев против Украина да стане членка на НАТО затоа што се плашев дека тоа ќе го предизвика токму процесот што го гледаме сега. Но, сега кога процесот го достигна ова ниво, неутрална Украина повеќе нема да има смисла во тие услови“, рече 99-годишниот Кисинџер во видео обраќањето пред Светскиот економски форум во Давос. Тој додаде дека влезот на Украина во НАТО ќе биде соодветно прашање откако ќе се реши конфликтот.

Кисинџер, сепак, повика да се направи сè за да се избегне претворање на овој конфликт во војна против Русија и да се обиде да одржи дијалог со Русија за да и даде „можност да се врати во меѓународниот систем“ откако ќе се заклучи мирот. „САД го поддржаа украинскиот отпор и треба да ја продолжат таа поддршка и, доколку е потребно, да ја зајакнат воено додека не се постигне линија за примирје и прифатена во прелиминарните разговори“, рече Кисинџер, кој беше државен секретар на САД во времето на претседателот Ричард Никсон (1969- 1974).

Извор: Радио Слободна Европа

Прочитајте повеќе

Од француски воз била украдена торба со безбедносни планови за Олимпијадата во Париз

Инженерот кажал дека неговиот службен компјутер и двата USB-стикови содржеле чувствителни податоци во врска со …