Вечерва по 19 часот ќе се врши дезинфекција на улиците во Делчево

Општина Делчево продолжува со превентивните мерки за заштита од појава и евентуално ширење на заразата од коронавирусот на територијата на Општина Делчево. Со таа цел, вечерва по 19 ч. повторно ќе се дезинфицираат најфреквентните улици во градот.

Со дезинфекциско средство, раствор од хлор, екипи на ТППЕ Делчево по одреден распоред и согласно со фреквентноста на улиците и тротоарите, ќе ја извршат планираната трета дезинфекција и миење на улиците и тротоарите.  

Апелираме до граѓаните во периодот по 19 ч. да ја намалат фреквентноста на движење.