За три дена, трет земјотрес во Штип

Земјотрес со јачина од 1,9 степени според Рихтеровата скала и интензитет од II-III степени според Европската макросеизмичка скала е регистриран претпладнево во Штип, соопшти Сеизмолошката опсерваторија при Природно-математичкиот факултет во Скопје.

Оттаму велат дека според досегашните податоци, земјотресот се случил во 11 часот и 31 минута на епицентралното подрачје Свети Николе – Штип. Земјотресот бил почувствуван од жителите во околината на Штип.

И Европско-медитеранскиот сеизмолошки центар исто така информираа дека во овој регион е почувствуван потрес, но дека нема сеизмички податоци кои би потврдиле земјотрес.

#Earthquake (#земјотрес) possibly felt 53 sec ago in #NorthMacedonia. Felt it? Tell us via:
📱https://t.co/LBaVNedgF9
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/VTiTddJxgl

— EMSC (@LastQuake) March 31, 2023

За три дена, ова е трет потрес што го погоди регионот на Штип. Во раните утрински часови во средата се случи земјотрес со јачина од 3 степени, а вчера попладне се случи уште еден со магнитуда од 2,5 степени според Рихтеровата скала.

Извор:МЕТА