Започна лидерската средба: Очекување за одговорен пристап и заеднички одлуки за доброто на граѓаните и државата

Започна лидерската средба којашто се одржува на покана на претседателот на Владата на Република Северна Македонија, Димитар Ковачевски, во Собранието на Република Северна Македонија.

На средбата присуствуваат претседателот на Собранието, Талат Џафери и претседатели на политички партии застапени во Парламентот.

Тема на средбата се актуелни политички прашања од значење за претстојните редовни претседателски и парламентарни избори, како и од важност за европските перспективи на Република Северна Македонија.

Премиерот Ковачевски очекува одговорен пристап од сите политички лидери и субјекти и заеднички политички одлуки, коишто се од суштинска важност за сегашноста и иднината на граѓаните, а коишто се очекување и на граѓаните на Република Северна Македонија.

Прочитајте повеќе

Владата ги утврди измените на Законот за прогласување на Старото градско јадро на Охрид за културно наследство од особено значење

На вчерашната седница Владата утврди текст на Предлог на закон за изменување и дополнување на …