Заврши реконструкцијата на водоводната линија на улица „Боца Иваноска”

ЈКП „Водовод и канализација“ – Прилеп денеска го заврши поставувањето на новата водоводна линија на ул.„Боца Иваноска“. Имено, старата поцинкована водоводна линија на оваа улица е заменета со нова, полиетилен DN63, во должина од 120 метри. Со оваа реконструкција беа опфатени 13 куќни приклучоци.

Од ЈКП „Водовод и канализација“ информираат дека се при крај инфраструктурните зафати и интервенции на водоводната и канализациона мрежа на повеќе улици во градот.