Заврши средбата Заев – Мицкоски, пописот одложен за 5 септември

Во Клубот на пратеници заврши средбата на лидерите на СДСМ и ВМРО-ДПМНЕ, Зоран Заев и Христијан Мицкоски. Во изјавите дадени после средбата, заев и Мицкоски потврдија дека заради што поголем процент на имунизација на населението и заштита на здравјето на граѓаните, пописот се одлага за 5 септември.

Исто така, на средбата е договорено одблокирање на законите кои се заглавени со Собранието, меѓу кои се и законите за изградба на Клиничкиот центар, исплатата на средствата од петтиот пакет економски мерки и други важни закони.

Истовремено, Заев и Мицкоски се договориле да дојде до одлагање на локалните избори, кои ќе бидат одржани во втората половина од октомври, при што ќе бидат направени одредени измени во Изборниот законик.