Денеска сончево време, во следните денови пораст на температурите

Денеска ќе преовладува сончево време со мала до умерена облачност. Претпладне ќе дува слаб северен, а попладне слаб до умерен јужен ветер. Максималната температура ќе се движи од 4 до 9 степени Целзиусови.

Во следните денови не’ очекува променливо облачно време со сончеви периоди. Утре во текот на ноќта во западните делови ќе има локални врнежи од дожд и снег. Температурите ќе бидат во пораст, освен во вторник кога ќе дува засилен северозападен ветер.
Влажен бран со врнежи на повеќе места се очекува во понеделник кон крајот на денот и во текот на ноќта. Минималната температура ќе се спушти до 6 степени под нулата, а дневната ќе достигне 14 Целзиусови степени.