Во Лисабон се одржа меѓународен семинар за тренери и судии во џудо спортот

Во организација на Европската џудо федерација а во техничка организација на Џудо федерацијата на Португалија, изминатиот викенд во Лисабон се одржа меѓународниот семинар за џудо тренери и џудо судии.

На семинарот учество зедоа околу 100 стручни лица, џудо тренери и џудо судии од сите европски држави. Нашата држава преку Џудо федерацијата на Македонија ја претставуваа Дејан Мицкоски, лиценциран џудо тренер А категорија, член на стручниот совет при Џудо федерацијата и Дан комисијата при ЏФСМ, како и Томе Јосифоски – интернационален џудо судија Б категорија и актуелен претседател на Судиската комисија при Џудо федерацијата на Македонија.


Семинарот беше предводен од страна на првите луѓе и стручњаци од Европската џудо федерација, натпреварувачката, судиската и комисијата за едукација и беше од интерактивен карактер, со цел за имплементација и детална обработка на изменетите судиски правила кои ќе важат за олимпискиот циклус 2022-2024.

По завршувањето на семинарот се одржа и координативен состанок помеѓу челниците на Европската џудо федерација и претставниците на националните федерации од Европа, кои добија овластување да извршат едукација и обука на судиите и тренерите во насока на усогласување на целиот европски и интернационален систем на функционирање во џудо спортот.

Прочитајте повеќе

Македонија ќе се кандидира за домаќин на Европското кадетско првенство во џудо

Македонија и официјално ќе поднесе кандидатура за организација на Европското првенство во џудо за кадети, …