Земјотреси се случиле утрово близу Штип и Струмица

Сеизмолошката опсерваторија при Природно-математичкиот факултет (ПМФ) во Скопје, рано уутрово 26.04.2023 година регистрирала два земјотреса, од кои првиот 120 км. југоисточно од Скопје, кој потекнува од епицентралното подрачје Струмица, а вториот на 70 км. југоисточно од Скопје и потекнува од епицентралното подрачје Свети Николе – Штип.

Според досегашните податоци со кои располага опсерваторијата, првиот земјотрес се случи во 4.55 часот, имал Рихтерова локална магнитуда ML2.2 и интензитет од III степени според Европската макросеизмичка скала и бил почувствуван од населението во Струмица и околината.

Вториот земјотрес, меѓу Свети Николе и Штип, се случил во 6.32 часот, имал Рихтерова локална магнитуда ML2.0 и интензитет од III степени според Европската макросеизмичка скала и е почувствуван од населението во Штип и околината.