Неисправна вода за пиење во повеќе населени места во Прилепско

Водата не е здравствено исправна за пиење во населените места: Волково, Прилепец, Чумово, Мало Рувци, Старо Лагово, од локалниот водовод во Алинци, Веселчани, Загорани, Тројкрсти, Чепигово, Ерековци, Канатларци и месноста Ѓумушица, информираат од Центарот за јавно здравје – Прилеп.

Водата од овие чешми, според Центарот за јавно здравје, не смее да се користи за пиење без да се преврие најмалку 10 минути. Од Центарот за јавно здравје вршат редовни анализи на исправноста и квалитетот на водата за пиење од јавните чешми во населените места, каде што нема водоводи кои што се вклучени во водоводната мрежа со која стопанисува ЈКП „Водовод и канализација“.