Со еднодневна екскурзија Општина Прилеп ги награди најдобрите 150 ученици од основните и средните училишта

Како награда за постигнатите резултати во минатата учебна година, за 150 ученици од прилепските основни и средни училишта, Општина Прилеп организираше еднодневна екскурзија до Маврово, манастирот „Св.Јован Бигорски“, Вевчани и Струга.

Изборот на ученици беше направен врз основа на известувањата од основните и средните училишта од општина Прилеп испратени до Комисијата за општествени дејности и правата на децата при општинскиот Совет, со кои беа опфатени 150 ученици кои постигнале особени резултати по различни предмети од општинско, регионално и државно ниво.