СВР Битола: За продажба на петарди и други пиротехнички материјали, предвидени се парични и затворски казни

Се известуваат граѓаните и правните субјекти на подрачјето под надлежност на СВР-Битола дека е забранета  и казнива дистрибуцијата и продажбата на петарди и други пиротехнички материјали и согласно чл.396 ст.4 од КЗ на РСМ за ова кривично дело се предвидени парични казни и казна затвор до три години.

Исто така се предупредуваат граѓаните дека со употреба на петарди и други пиротехнички средства можат да предизвикаат опасност од самоповредување и повредување на други лица и тоа повреди на екстремитети, губење вид и сл, а со нивна употреба на јавно место го загрозуваат мирот и безбедноста на останатите граѓани Согласно чл.2 и чл.31 од ЗППЈРМ, за прекршителите се предвидени парични казни во противвредност од 200-500 евра, а за родителите чии деца вршат прекршоци од овој вид, заради занемарување и негрижа предвидени се глоби од 600 до 800 евра во противвредност.

СВР-Битола ќе презема континуирани, редовни, но и зајакнати акциски контроли заради откривање и санкционирање на лица и правни субјекти кои ќе постапуваат спротивно на горенаведените законски одредби.