Сончево и топло време со засилен ветер

Во нашата земја денеска ќе преовладува сончево и топло време, со мала до умерена облачност. Попладне, претежно во северните делови, ќе има локален пороен дожд и грмежи. Ќе дува умерен до засилен ветер, кој во западните делови земјата ќе биде од западен, а вдолж Повардарието најпрво од јужен, а попладне и кон крајот на денот од северен правец.

Дневната температура ќе се движи во интервалот од 25 до 36 степени Целзиусови, а УВ=8.