Активистите почнаа со собирање потписи против рудникот „Иловица-Штука“

Активистите почнаа со собирање потписи против рудникот „Иловица-Штука“

Активистите побараа од Владата целосно раскинување на двете концесии за рудникот за бакар и злато

Еко-активистите од „Здрава котлина“ и „Еко долина“ вчера во Струмица го започнаа собирањето на потписи од граѓаните против изградбата на рудникот „Иловица-Штука“ на организираниот настан „Потпиши се против рудникот на смртта“. Книгите за потписи на граѓаните против рудникот ќе бидат дистрибуирани во сите општини и населени места во регионот.

Активистите побараа од Владата целосно да ги раскине двете концесии за рудникот за бакар и злато. Од „Здрава котлина“ порачаа дека собирањето потписи од граѓаните не е класична петиција, туку алатка пред секоја власт да ја види бројката на граѓани кои се против отворање рудник во својата котлина.

Инаку, реакциите на активистите за рудникот „Иловица-Штука“ започна откако владата на седница на 27 јуни донесе одлука да се спојат двете концесии за рудникот Иловица-Штука. Потоа, дел од министрите се жалеа дека точката на дневен ред била ставена како дополнителна на само еден ден пред одржувањето на седницата и дека не можеле да ги разгледаат поднесените материјали при носењето на првичната одлука.

ТРОЈЦА МИНИСТРИ ВЕЛАТ ДЕКА БИЛЕ ИЗМАМЕНИ ДА ГЛАСААТ ЗА СПОЈУВАЊЕТО НА КОНЦЕСИИТЕ ЗА ИЛОВИЦА-ШТУКА

Илјадници граѓани од Струмичкиот регион кон средината на јули организираа и протест против изградбата на рудникот.

НЕ ЗА РУДНИКОТ ИЛОВИЦА-ШТУКА, ИЛЈАДНИЦИ ГРАЃАНИ НА ПРОТЕСТ ВО СТРУМИЦА

Исто така, општинските совети на Ново Село, Босилево и Василево изгласаа одлуки против отворањето на рудникот „Иловица-Штука“.

Извор: МЕТА

Прочитајте повеќе

Наративите на ВМРО-ДПМНЕ за Пендаровски се главно проблематични и кокетираат со невистини

Наративите на ВМРО-ДПМНЕ за Пендаровски се главно проблематични и кокетираат со невистини

Поентата што сака да ја постигне противничката партија е дека Пендаровски, всушност, не е човек …