Американски војници на „Криволак“ со хеликоптери вежбаа со припадници на АРМ

Американски војници на „Криволак“ со хеликоптери вежбаа со припадници на АРМ

Министерката Петровска изрази задоволство што во изминатиот период полигонот „Криволак“ се користи од страна на армиите на сојузничките земји и партнери.

Министерката за одбрана Славјанка Петровска и амбасадорката на САД, Анџела Агелер денеска го посетија армискиот полигон „Криволак“, каде се изведе вежба со хеликоптери од типот „Black Hawk“ на копнените сили на САД, поддржани од припадници на Армијата, информираат од Министерството за одбрана.

Министерката Петровска изрази задоволство што во изминатиот период полигонот „Криволак“ се користи од страна на армиите на сојузничките земји и партнери, со што се покажува дека секоја инвестиција која што е направена во полигонот е оправдана.

„Денес заедно со амбасадорката Агелер сме дел од активностите кои се составен дел на обуката за блиска воздушна поддршка со воздухопловите „Black Hawk“. Минатата година за само 6 месеци одржани се 10 повеќедневни вежбовни активности на сојузничките армии и на партнерите од НАТО, а нашата Армија се разбира секој месец по неколку пати во текот на месецот ги извршува своите редовни вежбовни активности, меѓутоа и обуките на нашите припадници. Ова покажува дека секоја инвестиција која што е направена во тренинг центарот Криволак е оправдана и затоа сакам особена благодарност да изразам и до нашите партнери. Сојузништвото всушност е токму и тоа, грижа и поддршка едни со други“ истакна Петровска.

Петровска се заблагодари за поддршката од САД која се гледа и низ бројки. Само во последната година САД ја поддржаа македонската одбрана со 137 милиони долари наменети за проектите за модернизација и опремување на Армијата.

Американската амбасадорка Агелер изјави дека Криволак е полигон за обука од светска класа, кој нуди одлични услови за извежбување и дека ваквиот тип обуки ја покажуваат и потврдуваат силата на соработката и партнерството помеѓу САД и Република Северна Македонија.

„Денеска се хеликоптерите од типот „Black Hawk“, минатата недела беа воздухопловите F-18. Секојдневно работиме заедно и развиваме нови начини за соработка, развој на интероперабилноста и зацврстување на безбедноста. Ние ќе продолжиме да помагаме во развојот на овој полигон со цел заеднички со сојузниците да реализираме уште повеќе вежби и обуки“, рече Агелер.

Обуката за блиска воздушна поддршка со воздухоплов од Копнените сили на САД се реализира во периодот од 5 до 11 март и вклучува два американски хеликоптери „Black Hawk“.

Извор: МЕТА

Прочитајте повеќе

ДИК: До 13 часот на гласање излегле 1.150 гласачи

ДИК: До 13 часот на гласање излегле 1.150 гласачи

Во споредба со гласањето на 8 мај, до 13 часот, на ова прегласување се забележува …