Автомобил удри во оградата на руската амбасада во Букурешт

Автомобил удрил во оградата на руската амбасада во романскиот главен град Букурешт, при што се запалил, а возачот загинал, соопшти полицијата, наведувајќи дека возилото удрило околу 6 часот по локално време на 6 април, но не влегло во комплексот на амбасадата. Пожарникарите успеале да го изгаснат пожарот, но возачот починал на местото на настанот, се вели во соопштението.

Не е јасно дали станува збор за несреќа или намерен чин. Полицијата соопшти дека го истражува инцидентот, а не го соопшти идентитетот на возачот. Во последниве недели, неколку руски амбасади на други места во Европа беа цел на демонстранти лути поради неиспровоцираната војна на Москва во Украина.

Извор: Радио Слободна Европа