Битиќи Нови мерки

Битиќи: Нови мерки за справување со кризата по усвојување на ребалансот на буџетот

Заменик на претседателот на Владата задолжен за економски прашања, координација на економските ресори и инвестиции и потпретседател на СДСМ, Фатмир Битиќи при гостувањето во „Утрински брифинг“ истакна дека нови мерки за справување со кризата започнуваат веднаш штом ќе биде изгласан ребалансот на буџетот во собранието.

  • Мерките се наочени, кон најранливите категории, притискот е голем, преземаме мерки исто како во пандемијата, првите беа за сите, а потоа за најкритичните граѓани и компании, рече Битиќи, додавајќи дека и три програми за земјоделието преку интервентниот фонд не можат да поминат додека не се изгласа ребаланост.

Тој нагласи дека сите мерки што се преземаат треба да бидат адекватни и возможни во одреден период, секоја мерка може да има последователни негативни ефекти на друга страна.

  • Ние имавме намалување на даночни стапки и за производи и за горива и за енергенси, за енергенсите останаа, рече Битиќи додавајќи дека за опозицијата ребалансот е задоцнет, но затоа има поднесено 800 амандмани.

Во врска со наглото зголемување на цените по завршувањето на мерките за основните прехранбени производи, Битиќи рече дека тоа се должело на зголемување на маржите и било неоправдано, вештачко зголемување на цените, но по неговото укажување, цените се вратиле или стагнираат.

  • Во време на криза не можеш да се однесуваш како воен профитер, а знаеме како завршуваат воени профитери. Јас апелирам на моралните вредности на стопанствениците кои треба да ја имаат предвид општата ситуација, и во пазарна економија мора да има морални и етички норми, потенцираше Битиќи.

Потпретседателот Битиќи нагласи дека задолжувањето вчера падна за 2,2 проценти и им порача да граѓаните дека не треба да се грижат за него додека оди за продуктивни цели и за справување со кризата.

  • Се задолживме за време на пандемијата, но имавме пад на економијата помал за 4,2%. Заради тоа спасивме 60.000 работни места, не е продуктивно само на направиш зграда или пат, продуктивно е да спасиш едно семејство од губење работа. Задолжувањето за да спасиме граѓани од кризата, да обезбедиме енергенси, електрична и топлинска енергија, да креираме работи места, да продолжиме да инвестираме во инфраструктура е продуктивно, порача Битиќи.

Прочитајте повеќе

Стабилизирање на времето со температури до 39 степени

Денеска ќе преовладува сончево и топло време, со мала до умерена облачност. Ќе дува слаб …