ПУБЛИКУМ Вистината на прво место
Верниците од исламска вероисповед во С. Македонија и во целиот свет го започнаа тридневното празнување на Рамазан Бајрам. Рамазан Бајрам започна на зајдисонце и го означува крајот на постот за време на светиот муслимански месец Рамазан.
По рамазанскиот пост, исполнет со проштевања и милостина, верниците го поминуваат големиот празник со семејството и со пријателите, со желби за добро здравје, среќа и бериќет. Рамазан Бајрам секогаш се паѓа на првиот ден од десеттиот месец од муслиманскиот календар и трае три дена.
Во текот на претходните 30 дена пост, верниците се воздржуваа од јадење, пиење, телесни задоволства, како и од грешни мисли и дела од зора до зајдисонце.
Рамазан се смета за најважен и најсвет месец за муслиманските верници, во кој, се верува, започнало објавувањето на светата книга Куран за муслиманите.
