Четири медали за џудистите на „Сеишин“ на „Тирана Опен 2023“

Вчера во Тирана, Албанија, се одржа Меѓународен турнир во џудо „Тирана Опен 2023″. На турнирот учество зедоа околу 360 џудисти од 8 држави: Албанија, Италија, Бугарија, Црна Гора, Косово, Македонија, Србија и Грција.

Џудо клубот „Сеишин“ Прилеп на турнирот учествуваше со 7 џудисти кои освоија 4 медали: 2 златни, 1 сребрен и 1 бронзен.

Први места и златни медали освоија Тамара и Теодора Илиоски, со сребрен медал се закити Елеонора Илиоска, а со бронзен Никола Магдески.

На турнирот во Албанија учествуваа и прикажаа одлични борби Теа и Теона Настоски, како и Борис Џагадуроски.

Екипата ја водеа тренерите Мартин Ристески и Киро Здравески.

Следниот викенд џудистите на „Сеишин“ ќе земат учество на Меѓународниот турнир “Скопје Опен 2023”, на кој ќе настапат голем број натпреварувачи од земјата и странство.

Прочитајте повеќе

„Скопје Опен 2023“: 19 медали за џудистите на „Сеишин“

Вчера во Скопје се одржа вториот Меѓународен турнир во џудо „Скопје Опен” – 2023, на …